राजकारण

गोकुळ दूध संघ वादात पुण्याच्या नेत्याचा सहभाग असल्याचा युवा नेत्याचा गंभीर दावा

गोकुळ दूध संघातील नामनिर्देशित सदस्यांना मतदानाचा अधिकार बहाल करण्याच्या मुद्द्यावरून राज्यातील राजकीय वातावरण चांगलेच ढवळून निघाले आहे. युवा नेते विवेकानंद पाटील यांनी या निर्णयावर तीव्र आक्षेप घेतला असून हा दूध उत्पादक शेतकऱ्यांवर मोठा अन्याय असल्याचे म्हटले आहे. पाटील यांच्या मते, हे नामनिर्देशित सदस्य निवडून येणाऱ्या अध्यक्षाला चोरमन बनवण्याचा कट रचत आहेत. या संपूर्ण प्रकरणामागे एक मोठे षडयंत्र असून, त्यामागे पुण्यात वास्तव्य करणाऱ्या एका नेत्याचा हात असल्याचा दावा त्यांनी केला आहे.या विषयावर बोलताना पाटील यांनी संबंधित नेत्याला थेट आव्हान दिले आहे की, जर त्यांना खरोखरच अन्नदात्यांचा कळवळा असेल, तर त्यांनी आमच्या गोट्यातील मारक्या गाईची धार काढून दाखवावी. तसेच त्यांनी या नामनिर्देशित सदस्यांची तुलना गोकुळवरती डोळा ठेवलेल्या मांजरांशी केली आहे. शासनाच्या भूमिकेवरही त्यांनी प्रश्नचिन्...