शिक्षण

अकरावी-बारावीच्या विद्यार्थ्यांसाठी मोठा निर्णय! आता बायोमेट्रिक हजेरी सक्तीची; कॉलेज बुडवणाऱ्यांवर बसणार लगाम

राज्यातील शिक्षण व्यवस्थेत मोठा बदल करत शिक्षण विभागाने अकरावी आणि बारावीच्या विद्यार्थ्यांसाठी बायोमेट्रिक हजेरी अनिवार्य करण्याचा निर्णय घेतला आहे. हा निर्णय पुण्यासह राज्यातील सर्व कनिष्ठ महाविद्यालयांना लागू होणार असून, विद्यार्थ्यांची उपस्थिती डिजिटल पद्धतीने नोंदवली जाणार आहे. नियमित कॉलेज उपस्थिती वाढवणे, शैक्षणिक शिस्त मजबूत करणे आणि खासगी कोचिंग क्लासेसमुळे कॉलेजकडे होणारे दुर्लक्ष रोखणे हा या निर्णयामागील मुख्य उद्देश असल्याचे सांगण्यात आले आहे.पुणे हे राज्यातील शिक्षणाचे प्रमुख केंद्र मानले जाते. शहरात अभियांत्रिकी, वैद्यकीय तसेच JEE-NEET आणि MHT-CET परीक्षांसाठी हजारो विद्यार्थी विविध इंटिग्रेटेड कोचिंग संस्थांमध्ये प्रवेश घेतात. अनेक विद्यार्थी कॉलेजमध्ये प्रवेश घेत असले तरी प्रत्यक्षात त्यांची उपस्थिती अत्यल्प असल्याच्या तक्रारी शिक्षण विभागाकडे सातत्याने येत होत्या. याच प...